الف مبروك لملازم/ عبدالرحمن بن محمد بن سعد السعيد

تخرج عبدالرحمن محمدالسعيد

من كليه الملك فيصل الجويه

برتبة ملازم . في تاريخ 10/1/1431هـ

بتشريف سمو سيدي ولي العهد الأمير /سلطان بن عبدالعزيز .. حفظه الله .

وبحضور والد عبدالرحمن واخوانه

وبحضورماجد عبدالله المحيسن بالنيابه عن الجميع ,

وشارك الخريجين فرحتهم ,,حتى أنه تعجب وانبهر من الروح العاليه التي يتمتع بها الخريجين , وطريقه توديعهم لبعضهم ,

ولآ أخفيكم دمعت عينآه مما رآه من التلاحم والتكاتف والتآلف اللي يحظى به هولاء الخريجين .

. .فلم يستطع تمالك نفسه , وحب يكتب لكم كم بيت ,يصف فيها حالته :

اضغط على الصوره للتكبير

يقول مآجد :

هذآ الخبر عاجل وهذا الخبر هام **وهذي تعابير المشاعر عناوين

.هاض الخفوق وكني اليوم بآحلام **ومن الفرح هلت دموعي من العين

.اليوم كنه عيد في مبتدى العام**إلا باقول العيد ماهوب عيدين

.اليوم ثالث عيد مانيب بهيآم **غصب(ن) علي باقولها للمحبين

.زفوا تهاني كلها ريحة خزام**وزفوا تباريك(ن) عددها ملايين

.للي مشى بين الطوابير قدآم**في ساعة(ن) تسوى من العمر ثلثين

.اللي رفع رمز الشهامه والإسلآم **عند الحضور وعند سيد السلآطين

.لاوالله اللي شاقني بين الأعلام **بين العساكر شوفته تطرب العين

.محبته تبقى على صدورنا وسآم **وغلاه مايكفي من الشعر بيتين

.هو فخرنا ساس الوفا نسل الأكرآم **وحنا له الوافين في العسر واللين

.يفداه كل حاسد وحاقد ونمام **واللي يدوس الطيب والعلم والدين

.تكفون يالغالين يالربع الأحشآم **قولوا معي ياناس تكفون , آمين

.عسآه يسلم من صواديف الأيآم **وارجي عسى مايبعده نازح البين

.وختامها صلوا عى سيد الأنام ** عداد ماصفت صفوف المصلين .

وسلآمتكم

ماجد عبدالله المحيسن .

مجلة محافظة ثادق : تبارك لعائلة السعيد تخرج ابنهم