قصيدة نبطيه للشاعر / سليمان بن عبدالله الحسين بمناسبة حفل استقبال محافظ ثادق والمحمل سويد السويد

قصيدة نبطيه للشاعر / سليمان بن عبدالله الحسين ( من أهالي الصفرات )

يوم السعد يوم لفا فيه سلطان .. مقل الحيا كل الملا مرتجنيه

الشعب كله أصبح اليوم فرحان .. الكل يهني به أخوه وبنينه

الحمد لله العالي رافع الشان .. للي شفا سلطان وأقرا عينه

أبو اليتامى مشبعن كل جيعان .. الله من مديون سدد لدينه

ومليكنا اللي غمرنا بالاحسان .. مثل هبوب الريح تنفق يمينه

حكامنا ال سعود من وقت مرخان .. الكل منا كنهم والدينه

نسل حنيفه الشم زاربين الايمان .. اللي سكن واديه طيلت سنينه

الله يجمع شملهم طوال الازمان .. ويفكهم من شر عين حزينه

قلت الصحيح ونظمته بعرفان.. في الساعد الايمين عسى الله يعينه

والله ثم والله ثلاثة أيمان .. إني صحيح القول يعارفينه

تمت وصلوا عد هطال لمزان .. على نبين كلنا تابعينه
( القصيدة )
سلام أحلى من لبن كل مصغر .. وأحلى من الشهد المصفى مذاقة

وثني التحية عد الأعوام وأشهر .. وعداد كل من حج والهدي ساقة

لميرنا إلى في المواجيب يسهر .. حل المشاكل والقضايا سماقة

شهم شجاح كامل الرأي يقدر .. يمشي صريح الرأي مهب عاقة

من بيت عز عسى البيت يعمر .. لين الحشر تقوم يضفي رواقة

ألهج بذكر الله والله أكبتر .. عقل كبير خالي من الحماقة

في مملكتنا الواسعة حلوة الدار .. نأكل ونشرب ونستلم بالبطاقة

الحمد لله كلنا أخوان واسر .. مابينا إلا كل حب وصداقة

أرجي ولي العرش يقمع هل الشر .. حثال الخلايق قاطعين العلاقة

في وادي الصفرة ثمانين محجر .. زاد الضرر ولا لنا فيه طاقة السيل

عن مجراه وقف وتحير .. زباير وحفور لسيل عاقة

والرعي دفن والمعالم تغير .. والطرق عميت والشجر قطع ساقة

واطفالنا القصار فالليل تسهر . النوم بعض الليل عنده اشفاقة

يقول هذا الصوت حس الدركتر .. والبنك ليل إلى مايروع دقاقة

حلالنا من كثر الأصوات يذعر .. حتى الرعي في الخذ ماعاد ذاقه

نشكي على سلمان أميرنا الحر .. حيثه سديد الرأي عقل ولياقة

تمت وصلو عد ماطاير فر .. على النبي الهاشمي ورفاقه
( القصيدة )
بديت بسم إلي رفع سبع الأطباق .. الخير إلي كلنا نرتــجيله

الخير المعبود قسام الأرزاق .. إلى عطاياه لعبيده جزيله

في محمل العارض حصل حسن الأوفاق .. وعين محافظنا نقل كل جيله

نسل الكرام إلى على الخير سباق .. أفعالهم تعرف نهار الدبيلة

يفرح بهم إلى عليه الفضى ضاق .. لاجار نهار الظفر باد حيله

مهوب ثرثار يبربر بالأسواق .. صميد أوزان عقله ثقيله

قلت الحقيقة ذاكر كل مالاق .. ومنيب من يرجي على القول نيله

وصلوا على المختار ماناض براق .. وعداد ماهل المطر من مخيله

المصدر شبكة ثادق والمحمل